Selamat membaca serta menyanyikan lirik lagu Biduan Karungut yang dibawakan oleh Intan Aishwara feat Tria Ramayanti. Dukung terus penyanyi idolamu untuk terus berkarya dengan cara tidak mendownload ataupun mengunduh lagu yang mereka miliki secara ilegal. Sebagai gantinya kamu dapat mendengarkan lagu mereka melalui layanan-layanan streaming online seperti Youtube, Spotify dan Joox.
Informasi Lirik Lagu
| Keterangan | Data |
|---|---|
| Judul lagu | Biduan Karungut |
| Penyanyi | Intan Aishwara, Tria Ramayanti |
| Songwriter | Shogy May Sheilla |
| Kategori | #LaguDayak |
Lirik Lagu Biduan Karungut by Intan Aishwara feat Tria Ramayanti
Salam hasupa karungut nganderangHayak pahiau kacapi gandang
Manggapai sewut sarita lampang
Andau barasih bariwut tarang
Pahiyau tandak suling lamiang
Atei hadurut atei je sanang
Bilang merdu suara manimang
Itah hasupa hatatap pandang
Ikey mancoba nganderang tingang
Marak suara pahiau je sumbang
Maja manyupa nyamah halisang
Mundahan atei tau hanjak sanang
Kahanjak atey tau mahibur
Gandang ganderang pahiau tumbur
Kilau sarita behas batawur
Narenjet napitik injakah taratur
Bawin kameluh biduan Dayak
Lemu lembai lenge bagarak
Maju mundur garak pahayak
Baris sajajar taatur sarentak
Tatu hyang je jaman huran
Baya karungut akan kesenian
Sampai wayah toh je masih gitan
Akan paimbit ikey biduan
Ikey biduan panyanyi daerah
Handak ngarungut kesenian itah
Sama mahaga nyeneh nampayah
Adat budaya ela nihau lepah
Rinting janji jadi rencana
Ikey mencoba mahibur kula
Tagabung melai studio May Sheilla
Ikei intehau handak mancoba
Mimbit karungut versi modern
Ela manderuh ela ngaraen
Adat budaya segah badehen
Kesenian budaya jtunti beken
Hayak ikey biduan dayak taheta
Itah hasupa bara ngaju ngawa
Katekat atei niat mahaga
Uka mamaju kesenian budaya
Salamat hasundau kula jalahan
Dengan panyanyi dayak biduan
Ikei mncoba ngarungut mansanan
Adat budaya tatap je gitan
Amun jatun niat katika
Eweh tinai maju bamala
Ela manunggu je kareh jeha
Keleh itah sama mancoba
Nampeleng riwut tampuh nahalau
Itah ngarungut manari manasai
Bakas tabela ela tampalingau
Akan pangingat harian andau
Garing tarantang je turus lamiang
Malaku manyampai je tandak timang
Deder lagu malati kambang
Malalus kahandak niat kanahuang
Karungut jitoh je imbit ikey
Hapa maimbit kasanang atei
Ayo marapat je eweh bewei
Uka tahibur penyang marawei
Pahayak acara pesta kahanjak
Mangaranuhing je tarung tandak
Jadi rencana je bara sulak
Kula pahari madu panulak
Amun karungut jadi mahiau
Pandumah pahari je bara kejau
Kula biti lepah hasundau
Manari mnasai ela je buhau
Sampai toh helu tandak nganderang
Permisi ikei handak halisang
Harian hindai manyambung huang
Mundahan sama baumur panjang
Ikey badue halajur maucap
Pander sarita kalakuan sikap
Sala kata laku ampun maap
Mikeh talanjur sala dan khilap
Tikas toh helu itah hasupa
Nantiring pander mangutak kata
Ikei pangarungut masih naheta
Awi je handak mahaga budaya
Jitoh helu karungut tandak
Hapa malalus ampi kahandak
Bapander sopan je hayak bijak
Salam bara ikey biduan Dayak